Chetaavni bhari Chitthi....

-
Tum mujhe aaj bhi baazaar se khariid laae.....main bhi chali aai tumhaare saath ...maano koThe ki aurat hoon koi.....magar mujhe tumse kucch nahi milna...mera haq kisi aur ko adaa huaa hai....shaayad use jisne mujhe aisa bana diya....jo ab mere jaison ka sauda karta hai....

Kya kusoor tha mera...yahi naa ki nasha tha mujhmein?? nasha to saanp mein bhi hota hai.....use kyoon nahi khareedte ??use to dekhte hi maar doge.....magar main kucch kar nahiin sakti...isiliye aisi ban gayii na piyush....ek veshya se zyaada kucch nahiin hoon main tumhaare liye.... main ek veshya hi sahi...apna dharm to nibhaati hoon...tumhein poora sukh dekar hi samaapt hoti hoon.....

Kabhi socha hai mere baare mein?? tum mujhe apne hothon mein dabaake mujhmein ek chingaari lahka dete ho.....main jal utthti hoon...koi bhi jal utthegi....tumhein maza aata hai...but mera to dum ghutata hai piyush....dhuaan dhuaan ho jaati hoon main.....magar kucch kah nahi sakti....bejaan jo hoon tumhaare liye...tumhaari pyaas badhti jaati hai....aur main tumhein tript karne ke liye shanaih shanaih raakh hoti jaati hoon..bharbhara ke wahiin gir jaati hoon....jab tak jaan baaki hoti hai tumhe tript karne ki asambhav si koshish karti hoon....magar tum nirdayi...nirmohi..mera upbhog kiye jaate ho.....jab aatma nasht ho chuki hoti hai mujhmein....mujhe bujhaane ke liye apne pairon tale round jaate ho.....kabhi sochi hai meri aatm-vyathaa??...nahi...tum kyoon sochoge...tum to purush ho....apne man ke maalik....aaj mujhe jalaaya...phir kisi aur ko uthaa loaage.....tumhaari prakriti hi hai mera upbhog karne ki....

Magar ghabraao mat piyush...main bhi apna badla zaroor loongi...jis tarah ek veshya jab chaahe purush ko apna gulaam banaa leti hai...main bhi tumhe apne paan-paash mein baand loongi....bandh bhi rahe ho tum....kal mujhe 1 jalaate the...aaj 3-4 roz maarne daalne par bhi tumhaara man nahi bharata....ghabraao mat.....main itni nirdayi nahiin hoon piyush...tumhaare jaisi to hargiz nahiin hoon...main tumhe bin bataae maaroongi....apna gulaam banaakar.....aadat mein baandhkar nasht kar doongi tumhe..... tum mujhe dhuaan dhuaan karte ho naa...main tumhe saans lene se majboor kar doongi....khaans khaans kar maroge...


Yaad rahe meri baat..... yaa to mera sanhaar band karo...jangal ki lata-taru hi rahne do..mat chhedo mujhe...mat maaro mujhe.....nahi to bazaaru banaaoge to tumhe hi nahiin ab tumhaari maanav jaati ko nasht karna hoga mujhe...kar bhi doongi...mujhe to apne vinaash ka aabhaas tab hi ho gaya tha jab mujhe ek khoobsurat dabbe mein pack kiya tha kisi purush ne...ab tumhaare vinaash ki baari...tumhe iska aabhaas hai??..tum mujhe nahiin jaante piyush...main markar bhi tumhe roz maar rahi hoon.... main ek CIGERETTE hoon...... tumhaari Maut......
:by Sukhanwar Sakht Jaani

Comments

Post a Comment

Popular posts from this blog

-
Image
So finally I am up with my own blog....lets se if it helps me to deliver something to my friends and fans.....I hope it serves the purpose....I will be posting my technical and non technical stuff regularly...so keep visiting.... wish you luck.... Piyush Raj !!
Read more

i miss you...

-
Image
just wrote some days back......i know you wont like it much but this is all i had to express..... jo mere ashq se bheegi hui chhitthi pukaare to, jalaa kar khaaq kar dena, magar inkaar mat karnaa. mere aansu meri chaahat kaa haal-e-dil sunaate hain, o sang-dil,bhoolkar bhi tum koi guftaar mat karnaa. jo toota hai mera jazbaa,jo bikhraa hoon main andar se, hun zakhmi,bas koi tum aur mujhpar vaar mat karnaa. salaah is ishq mein haare hue insaan ki sun lo, guzaarish hai yahi meri,KISI SE PYAAR MAT KARNAA
Read more

Love, life and Bullshit...Confession Sunday...an abstract!!

-
Hi! Back to my note making philosophy.......decently called as a blog!! Today i am going to simply bullshit about anything that comes to my mind. Please bear with me!! What exactly is it......the confessions of a wannabe to reflect the world how hard he is trying to reach the level where he will be declared an “achiever”. But the act is still the same, and he continues to be one of the million wannabes. Now if that’s not a joke, let’s take it seriously!! Let’s try to write something “Different”. I am no different. Whatever I do, I find myself doing it the same way many others have already done. The very idea about an uncommon idea is that, is should be one of its kind. But as the population increases, the probability of seeking the rare diminishes. And that’s how neatly I can blame others for responsibly killing my originality. I think that won’t be fair. I tried Business. Energia. I thought it was rare. To professionally design business proposals and sell it in business plan symposium...
Read more