Dil ki baateiN......Ek din zindaa hua dil.....
Ek din zindaa hua dil, Neend se jaaga huaa. Saans li, kucch baat ki , Kabhi hans paDaa, kabhi ro Padaa wo dhaDkaneN khaamosh si, Kucch kaagazon par likh saka, Kuch dhaDkanoN ki chaap mein, Kehta gaya, suntaa gaya.... tooTate tukdon ko phir se joDkar, kahne lagaa.... 'Main kabhi zinda nahiin tha, haan, magar andhaa nahiin tha.... dekhta aaya hoon sabko, jo mere TukDon ki khaatir, khud ke tukDe kar chuke hain.... Dil ki chaahat mein Piyush, tum pattharoN se jaa lage ho. chand meeThe bol kah, kucch baatoN pe khaamosh rah, Ek aashiqi ka chor ban, phir, dil pe itne Zakhm sah, Ghut ke yahiin mar jaaoge, Ab bhi naa sambhle, To maano, phir se mooh ki khaaoge!!' Maine bas itna kahaa, 'Tu bas Dhadak, aur kucch na kar!! Tujhse jab bhi sochta hoon, Tu bhi zakhmi, main bhi zakhmi. Kya buraa hai, jo agar, Tum chup raho, hum chup rahein?' "Faisale deemaag ko lene do, Tum kucch naa kaho." Phir ghaneri shaam ko, Do Ghoont peeke ...